自家制大眼仔latte

我無奶茶癮，不過有抹茶牛奶癮 LOL！多年前係日本京都飲咗一次之後就上癮了。濃濃的抹茶香配上綿密的奶泡實在太夾了。我第一次飲既係 iced matcha latte，後來發覺熱的更能保存抹茶甘香。

 

在街飲一杯好既抹茶latte唔算便宜，如經常喝也可自己沖調。今日我試大眼仔latteart，圖案滿意，但奶泡略嫌唔夠綿密，還是在cafe既較專業XD

 

味付半熟玉子

食拉麵我最中意點味付半熟玉子。通常都是10蚊一隻或者5蚊半隻。自己如可以在家整就可以隨時有得食，亦很化算。

做法唔複雜，但要用少少心機。先煮半熟蛋。凍水放4-5隻蛋(我用M size)，水一定要蓋過蛋面。由落凍水計煮約8分鐘。每個人用既鍋，火力同蛋既size唔同。第一次煮出黎過生或過熟，下次自己再adjust下時間。

跟著煮湯汁。我用以下材料煮汁:
醬油: 3湯匙
味醂: 3湯匙
料理酒: 4湯匙
糖: 1茶匙

煮好湯汁，放入已去殼既蛋，沉過面，入雪櫃半日至一日便成！